🎂 خلّيك معانا شويةأولاً : ما كان اسمو فيس بوك أول ما طلع للنور في فبراير 2004 كان اسمو TheFacebookالفكرة جات من كتيّب ورقي في الجامعات الأمريكية فيه صور وأسماء الطلبة عشان كده إسمو (فيس بوك)ثانياً: البداية كان العدد بسيط شديد مختصر على الطلاب ولمن عمل 650 مستخدم مارك طار من الفرحة.وكان محجوز لطلاب جامعة هارفارد وبعدها بس بدأ يتمدد لبقية الجامعاتثالثاً : في سنة 2006 شركة ياهو عرضت تشتري فيس بوك بمليار دولار و مارك المفتح قال لاقال بما إنوجاب مليار حيجيب مليارين..منطق برضو.رابعاً : زر الإعجاب ما كان مضمون في البداية فكروا يسموه عظيم أو رائع أما زر عدم الإعجاب اتناقش سنين طويلة وما شاف النور إلا لاحقاً مع التفاعلاتخامساً : اللون الأزرق ..أ لانو مارك زوكربيرغ يشاع إنو عندو عمى ألوان أخضر أحمر.. أوضح لون بالنسبة ليهو هو الأزرقبس المعلومة دي ما مؤكده.سادساً دي معلومة جميلة جدا لمحبي التفاصيل الصغيرة و العندهم إعتقاد بالارقام ..هل تعلم أن الرقم الموجود في رابط حسابك ممكن تعرف منو ترتيب انضمامك..اي والله زي ما بقول ليك كده، طيب تصدق إنومارك نفسو مارقم واحد وإنما رقم 4 !الرقم في الرابط حقو 4 والأرقام من 1 لحدي 3 كانت حسابات تجريبيةسابعاً : أول صورة غلاف في تاريخ فيس بوك كانت لقطة من فيلم 2001 أوديسة الفضاءمعلومة قبل الأخيرة بالجابس كده ..هل تعلم إنو في قاعدة كبيرة من الجماهير مقتنعين إنو مارك ما بشر عادي! وإنو اصلا كائن من الفضاء والموضوع مثير للجدل بطريقة تشبه (حمدتي حي وللا ميت؟)كلمة اخيرة ..كل عام وانتم بخير يا ميتا ..وياريت خدماتكم ما تبقا ميتا وخراب ديار ونحن طبعا نؤكد سعادتنا بوجوكم في حياتنا لانوفيس بوك ما بدأ كعملاق بدأ كفكرة صغيرة في جامعة وبقى عالم كامل ..لقد كانت خطوة صغيرة لمارك لكنها قفزة للبشرية.