المذكرة وضّحت إنو الانتـ ـهاكات ضد الصحفيين والإعلاميين ما بقت بس تضييق ومنع، لكن وصلت مرحلة الاستهداف الجسدي المباشر، عشان يخوّفوهم ويفرضوا تعتيم إعلامي. بقوا يستخدموا التعـ ـذيب، والمعاملة القاسية والمهينة، وحتى الإخـ ـفاء القـ ـسري كوسيلة لإسكات أي صوت. تقارير نقابة الصحفيين السودانيين بتقول إنو عدد الصحفيين الاتقـ ـتلوا وصل 31 لحدي مايو 2025 بسبب الحـ ـرب، وارتفع العدد لـ34 صحفي في ديسمبر 2025. آخرهم كان تاج السر أحمد سليمان، مدير مكتب وكالة السودان للأنباء بالفاشر، الاتقـ ـتل مع أخوه يوم 28 نوفمبر بعد دخول قوات الدعم السريع للمدينة. المذكرة أضافت إنو الأفعال دي بتأكد إنو طرفي النـ ـزاع ارتكبوا حاجات بترقى لجـ ـرائم حـ ـرب، باستهدافهم للصحفيين بشكل ممنهج وواسع، وده خرق واضح للقانون الجنـ ـائي الدولي. كمان نقابة الصحفيين وثّقت اعتـ ـقال واحتجاز ما لا يقل عن 239 صحفي وصحفية، واتعرّض 60 منهم للاختـ ـطاف الاحتـ ـجاز القـ ـسري من الأطراف المتحاربة. وأشارت المذكرة إنو الجهات المتقاتـ ـلة دايرة تسيطر سيطرة كاملة على الإعلام، باستخدام التهـرـديد عشان تجبر الصحفيين يراقبوا نفسهم بنفسهم أو ينشروا الكلام العايزاه الأجندة العسكرية.