أعلنت وزارة الصحة الاتحادية إنو في زيادة في حالات حمى الضنك بعدد من الولايات، أهمها الخرطوم والجزيرة والنيل الأبيض ونهر النيل والشمالية.
وكمان في ارتفاع في حالات الملاريا في أربع ولايات، بينما ولاية الجزيرة لسه بتسجل إصابات بـ التهاب الكبد الوبائي لكن الأعداد أقل من السنة الفاتت.
وفي حالات حصبة اتسجلت في محلية طويلة بشمال دارفور، وكمان في الدويم وتندلتي بالنيل الأبيض.
بالنسبة لحمى إنتشارها متسارع ولذلك نعيد نشر بعض خطوات الوقاية منها والبتعتمد أساساً على إنو تبعد عن لدغات البعوض، خاصة بعوضة الزاعجة البتنقل المرض. عشان كده مهم: تستعمل طارد البعوض تلبس هدوم طويلة قدر الإمكان تغطي خزانات وبراميل الموية و تنظف أي أوعية فيها موية راكدة زي علب أو أصص الزرع وتستعمل الناموسية خاصة بالليل أو وقت الراحة ونكرر لو في زول مصاب بحمى الضنك، لازم كمان نحميهو من لدغات البعوض بالناموسية، عشان البعوضة ما تاخد الفيروس منو وتنقلو لناس تانين.
الزيت:
نظافة المكان + منع الموية الراكدة + الناموسية = حماية من حمى الضنك.
