الشمس ملهلبة إذا كنت بره الضل، فتش ضل. يعني كوس الضللة ، لو إنت راجل البس ليك عمة أو طاقية كبيرررة .. دا ما إختبار لرجولتك دا كلام عن النوع لانو المرأة مابتلبس عمة !.. طيب المرأة ممكن تلبس طاقية برضو ..أو تتصرف تعمل اي حاجة شيلي بقجة المهم غطي راسك من الشمس
وإنت يا أبو الرجال .. العمة زاتها تكون كبيرة عشان تغطي وشك من الشمس ..ما تلفها بطرقة الكدمول عشان ما تعرض نفسك لنوع تاني من التسخين .. لو لابس منطلون وقميص البس عمة عادي ..خلي يقولوا هندي المهم سلامتك .. أخير تبقى شروخان بدل ما تروح في خبر كان .. اما الشفع ..ياريت ما يطلعوا من البيت قدر الامكان ..
