والله يا جماعة الموضوع بسيط…
الناس شافوا الحمامة طايرة بغصن شجرة وقالوا:
“دي علامة سلام!”
وعشان الحمام ما عنيف مابتاع مشاكل
و الحمامة في السودان رمز من رموز الوحدة الوطنية لانو كلنا في الجيهات الاربعة متفقين إنو شوربة الحمام حاجة تمام
المهم… الحمامة بقت رمز للسلام لأنها:
ما بتفتش مشاكل،
وما بتجيك نص الليل تكورك تنبح أو تنوني
تخيل يا مواطن ..
لو كان الرمز غرّاب ولا كديسة؟
كان العالم لحد هسع في حـ ـرب! 🤣🕊️
يمكن تستغرب العلاقة… لكن الحكاية قديمة وعميقة أكتر مما بنظن.
زمان، بعد الطوفان، رجعت الحمامة للسفينة وشايلة في منقارها غصن زيتون… وكانت دي أول إشارة إن الأرض رجعت آمنة معناها وجود اليابسة والشجر وإن الخوف من الغرق انتهى. و من اللحظة دي بقى رمز الحمامة يعني: الأمان.
وفي القرن العشرين، رسّخ الفن والناس الفكرة… لما انتشرت “حمامة السلام” في الكاريكاتيرات واللوحات والكوميكس حول العالم، وبقت إشارة لكل شيء جميل: الطمأنينة، التعايش، والمحبة.
عشان كدا، مجرد صورة حمامة بيضاء… بتختصر رسائل كتيرة.
