كل الحظر دا قالوا عشان الجنيه ما يتأثر !! دي مالقينا ليها تفسير عشان كده مشينا للآثار بتاعت الحظر مباشرة ..المهم مختصين وتجار قالوا: القرار ممكن يعمل أزمة بدل ما يحلها، لأن المصانع المحلية أصلاً تعبانة بسبب الحـ.رب وما قادرة تغطي الطلب. والنتيجة المتوقعة إنو الأسعار تولع نار 🔥، والبدائل – سواء محلية أو مهربة – تبقى أغلى وأقل جودة!.
و في تخوف إنو الحظر يشجّع التهريب ويكبّر السوق الأسود، يعني الدولة تخسر قروش والجنيه يتأثر أكترمن الاول – السبب الأساسي للمنع !
- بعض الخبراء شايفين إنو حماية المنتج المحلي ما بتكون بالقفل، بل بدعم الإنتاج: كهرباء، تسهيلات، وإعفاءات من كل الجبايات لحد ما الوضع الاقتصادي يشد حيلو.
و بدل ما الإندومي يختفي، ممكن يرجع… لكن بسعر “طبق فاخر مجنون” 🍜 لطبقة معينة من المواطنين
والحاصل دا كلو ممكن يزيد التضخم ويضغط أكتر على المواطن البسيط.. وما معروف المواطن البسيط ممكن يعمل شنو؟
