الخبر كاذب وهل الفيديو البتشوفوهو ده فعلاً من بورتسودان؟
القصة عملت دوشة شديد في السوشيال ميديا، مقطع فيديو منتشر بقوة وبقولوا إنو لحظة سقوط طيارة شحن إليوشن قرب بورتسودان. المنصات مولعة: فيسبوك، إكس، واللايفات شغالة.
لكن المفاجأة شنو؟
التحقيّق العملتو CNN بالعربية ورّى إنو الفيديو قديم وما عندو علاقة بأي حادث حصل في بورتسودان اليومين ديل.
كمان طلع اسم حساب في تيك توك ظاهر جوّا الفيديو، لزول اسمو حامد مرشود الرشيدي، وهو نشر المقطع أصلاً يوم 27 نوفمبر الفات الساعة 4:52 المساء.
يعني باختصار:
الفيديو قديم… والقصة المتداولة ما صحيحة والمكان غير محدد.
